PNP-Ozamiz:’No human rights violation sa Parojinog anti-drug ops’

0
98

Sharing is caring!

Gipamugos sa joint PNP raiding teams nga walay nahitabong paglapas sa tawhanong katungod atol sa pagsilbi sa search warrant sa pamilya Parojinog sa Ozamiz City.

Gibutyag ni Ozamiz City Police Station commander C/Insp Jovie Espenido nga nahitabo ang pagbinaylu-ay sa mga buhing bala sa human misukol ang mga sympathizer mga Parojinog.May testigo nga unang nagpabuto ang kampo sa namatay’ng mayor.

Dili daw extra judicial killing ang nahitabo nga insidente tungod kay gisubay sa raiding teams nga gipanguluhan ang standard operating procedure sa pagsilbi sa warrant.

Una niini,giklaro ni Espenido nga wala nagsumikad sa kamanduan ni Pres Rodrigo Duterte ang pagdakop sa pamilyang Parojinog sa Ozamiz City.

Gitin-aw ni Espenido nga pinaagi sa gilusad nga imbestigasyon sa CIDG nga gikan sa korte ang nalugwa nga search warrant tungod sa pagbaton sa target persons sa illegal nga armas.

Read Also:  Parojinog daughter asks Duterte to probe killing of Ozamiz mayor, 14 others

Gibutyag ni Espenido nga inistatiba sa mga pulis ang pagsilbi sa search warrant human sila nahatagan sa gahum nga rondahon ang balay sa mga suspek.

Gani, atol sa ilang pagronda dili lamang nga tag-as nga kalibre nga armas ang ilang nakuha gikan sa balay sa mayor ug bise mayor.

Lakip sa ilang narekober ang mga dagkung sako sa gitoohang shabu, binandol nga salapi, mga dagkung putos sa shabu paraphernalies ug mga bomba.

Sa pikas bahin,nasuta nga taas nga panahon ang gihulat sa Philippine Regiuonal Office-10 aron masilbi ang search warrant sa pamilya Parojinog sa labing epektibong oras sa Ozamiz City.

Read Also:  Kampo ng Parojinog, hihilingin sa DoJ na palayain muna si Vice Mayor Parojinog-Echavez

Gibutyag ni PNP-10 regional director C/Supt Timoteo Pacleb nga nagsumikad sa korte sa Quezon City ang search warrant sa mga Parojinog.

Kini human mapalugwa sa executive judge ang warrant gitun-an ug maayo sa mga mga otoridad ang pagsulod sa mga baluwarte sa mga Parojinog.

Gani,nasuta nga gatinir sa armed group si Parojinog.

Sharing is caring!